التسامح في الحب

اكتب اي تعليق علي هذا الموضوع وسيتم الرد عليه

[b][i][u] بص يامان الموضوع جامدا جدا وما احلى التسامح فى الحب ياجماعه من الاخر ما فيش احلى من انك تسامح حبيبك

ملاك الحب 1 كتب:

انا بقول اني التسامح حلو بس لو كان الحد الي حتسمحو يستاهل

وأنا بأيد أختى ملاك الحب فى نفس رأيها لأن هو ده الصح لأن مينفعش أبدا أسامح حد ميستهالش التسامح وأنا ضد كمان مقولة كنت قريتها قبل ما أرد على الموضوع ده واحدة كانت كاتبة قمة الحب إنك تسامح إللى جرحك أنا ضد هذه المقوله نهائى وبعتبر إللى يقول حاجة زى ديه عمره ما نجرح أبدا فى حياته ولا حتى يعرف معنى الجرح إيه لأن جرح الحبيب أو الشخص إللى الواحد يكون بيرتاح معاه ديه حاجة أفترك إنها مش سهلة وأرجو إنى ما كونش طولت عليكوا

حلو اوى ان الانسان يحب وجميل انك تسامح اللى بتحبه مرة واتنين و عشرة بس,ياريت نفرق بين انك تسامح حبييبك على غلطه فى حقك وانك تنسي اللى عمله فيك .فى ناس مقتنعة ان التسامح جميل خصوصا لما تنسي جرح حبيببك .وناس تانية ممكن تسامح بس متنساش الجرح ابدا وللاسف انا منهم .
بس اكيد فى حدود للتسامح ده.يعنى مش عمال على بطال يغلط فيا وانا مقضياها تسامح علشان خاطر انى بحبه.لا ده مينفعش لان الحب ده كرامة,احترام,امان,ثقة,قوة,نقاء,....الحب بيعلى مش بينزل ابدا ده الحب اللى بجد .بس انا حاسة دلوقتى ان مفهوم الناس عموما للحب اتغير وده عن تجربة .يعنى الناس بتفتكر ان الحب ده مجرد كلام وبس يعنى بيقول انه بيحبنى ويحترمنى ويقدرنى ومينفعش يعيش من غيري وبعدين يجرحنى ويكدب عليا ويديه لنفسه حقوق مش ليه .ويتحكم فيا وفي قراراتى .وطبعا انا مينفعش اناقشة فى قراراته اللى بيختارهالى .والمطلوب منى انه لما يغلط يرجعلى ومعاه شعار اللى بيحب لازم يسامح .طيب ازاى .؟لازم ناخد بالنا ونعرف نفرق بين الشخص والظروف اللى ممكن نسامح فيها والظروف اللى مستحيل اننا نتنازل فيها عن حقنا كرفض للاعتذار ده .وفي كل الاحوال مش شرط انى اسماح يبقي معنى كدة انى بحب .

كل سنة وانت طيب يااسير وكل الاعضاء الموجودين وميرسي للاهتمامك وردك عليا.

ربنا يخليك يااميدو يارب يكتبهالنا جميعا يارب.

ملاك الحب 1 كتب:

انا عيزة اسال موضوع التسامح لسة مطروح ولا لا

لتسامح في حد زاتو صفة جميلة جدا
والله سبحانه وتعالي امرنا اننا نسامح ونبقى كويسين
لكن في حاجات لما نسامح فيها
يبقى ضعف ولما نضعف
الطرف التاني بياخد ادفنتج من الضعف دى
ويخش بكلو قوتو يعمل الي هو عايزو
المفروض نسامح الانسان الي حبيناه ونديه فرصه تانيه
بس لو وقع في نفس الغلط للمرة تانيه مينفعش نسامحو
عشان احنا اديناه فرصه وسامحناه بس هو مقدرش دى
هو اصلا لو كان ليه دم كان حس بلي عملناه عشانو بس هو
عارف انو احنا لو سمحناه المرة التانيه حنسامحو للمرة التانيه والتالتة
وبكلمتين حلوتين منو وتظبيطة منو نسامحو عشان نحبو بس في الحاله دي
يبقى ضعف فينا مينفعش الواحد يضعف ويظهر ضعفو