منتدي الحب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 ليه الجواز نهاية الحب..؟؟

اذهب الى الأسفل 
3 مشترك
كاتب الموضوعرسالة
ملاك الحب
مشــــرفة منتــــدي المــرأة
مشــــرفة منتــــدي المــرأة
ملاك الحب


انثى
عدد الرسائل : 1220
العمر : 32
الموقع : www.sa3ada.3arabiyate.net
تاريخ التسجيل : 29/08/2008

ليه الجواز نهاية الحب..؟؟ Empty
مُساهمةموضوع: ليه الجواز نهاية الحب..؟؟   ليه الجواز نهاية الحب..؟؟ Emptyالأربعاء ديسمبر 03, 2008 7:40 am


ليه الجواز نهاية الحب..؟؟ Bahebak_06
كل حاجة اتغيرت بعد الجواز، الحب راح، واللهفة والمشاعر اختفت...مفيش حاجة اسمها حب الحب فعلا حاجة والجواز حاجة تانية خالص.
أنا خلاص مابقتش قادرة أستحمل المعاملة دي، ده بقى بيعاملني زي أي كرسي في البيت مابقاش حاسس بيا خالص حاسة إن كل الحب اللي كان جواه خلص ولاّ يمكن أصلا ماكانش بيحبني، بعد ما كان بيقبل مني أي معاملة وكان بيقول أي حاجة مني كويسة بقى خلاص مش طايق مني أي حاجة أيا كانت مش عايز حتى يكلمني، مش عارفة ممكن الحب اللي كان موجود يرجع تاني ولاّ خلاص مفيش فايدة كل حاجة انتهت بالجواز.
العيب في الحب ولا الجواز
الحكاية دي بنسمعها كتير قوي من ناس اتجوزت بعد قصص حب كان كل اللي حواليهم بيحسدوهم عليها ومش متصورين أبدا إن ممكن اللي بينهم يكون ليه نهاية غير الحب الدائم والأبدي.
لكن للأسف الشديد بتكتر المشاكل بعد الجواز مهما كانوا عرفوا بعض ومهما كانت العلاقة بينهم قبل ما يتجوزوا وبيحصل الطلاق بأسرع مما حد يتخيل ولو ماحصلش طلاق بسبب الأولاد أو لأي سبب تاني بتكون فيه مشاكل كتير ممكن تضيّع أي مشاعر كانت موجودة في يوم من الأيام.
فيا ترى إيه اللي بيحصل وهل فعلا الحب بيختفي بعد الجواز ولو كان ده صحيح هل العيب في الجواز نفسه ولا في الحب ولا في إيه بالضبط.
هنحاول المرة دي نقرب من المنطقة دي شوية، مش هنقول إننا هنعرف كل الأسباب وهنقدم كل الحلول لكن هي مجرد محاولة للفهم ومعرفة طبيعة العلاقة بين اتنين حصلت بينهم مشاعر ما وعايزين يحافظوا عليها ويطوروها وتكون مصدر دائم للسعادة ليهم هم الاتنين.
ليه الناس بتتجوز..؟!
ليه الجواز نهاية الحب..؟؟ Bahebak_05
طبعا سؤال غريب وأول إجابة ليه لأن دي سُنة الحياة ربنا خلق الناس وخلق فيهم الحب وعلشان الحب ده يكون شرعي ومقبول لازم يكون فيه جواز، ده شرع ربنا..!!
ودي إجابة مش بطالة لكن بتحدد مفهوم الجواز والهدف منه إنه يكون بس إطار شرعي فهل هو فعلا كده وهل ده بس الهدف منه.
أكيد لأ وإلا مكنش ربنا وضع قواعد كمان بين المتجوزين نفسهم علشان يفضل فيه بينهم مودة ورحمة وسكن يعني استمرار للحب.
معنى الكلام ده إن الحب علشان يستمر ويدوم لازم تكون ليه قواعد تحكمه ....فإيه اللي لازم يحصل وإيه القواعد اللي تخلي المشاعر الجميلة تستمر وما تتحولش لمصدر تعاسة وشقاء لأصحابها بدل ما تكون مصدر لسعادتهم...؟!
وإزاي يعرفوا يحبوا بعض بجد..؟!
وعلشان نعرف الإجابة لازم نعرف إن في معظم أنواع الحب بتكون المشاعر تلقائية مش مترتبة ولا متخطط لها، يعني مفيش حد بيقوم الصبح بيقول لنفسه إن أنا هاحب فلانة النهاردة إلا إذا كان بقى واخد الموضوع تسالي وده طبعا مش مجال كلامنا دلوقتي.
ومعظم الناس فاكرين إن المشاعر دي مش محتاجة منهم مجهود علشان يحافظوا عليها ويطوروها للأفضل وما بيكونوش واخدين بالهم إن علشان أي علاقة بشرية تدوم سواء صداقة أو حب عاطفي أو حتى حب الأخوات لازم ليه إرادة واعية تحميه وتحافظ عليه.
يعني على قد ما المشاعر دي بتكون تلقائية لكن ده بيكون في البداية بس ومش ممكن تطور نفسها بنفسها ومش ممكن كمان تفضل على الحالة التلقائية دي لأن ده بالذات هو اللي بيتعارض مع المسئولية اللي بيحتاجها الجواز واللي لازم أي اتنين يتحملوها مع بعض علشان تستمر الحياة بينهم.
إزاي نعرف إننا بنحب...؟!
هل أنا بحبه فعلا ولا بس فرحانة باهتمامه..؟!
هل أنا بحبها بجد ولا بس معجب بيها علشان مختلفة شوية..؟!
السؤال ده ناس كتير قوي بتسأله لنفسها وعلى فكرة في الغالب بيكون ظاهرة صحية ومؤشر مش بطال على إننا على الأقل عندنا النية إننا نحب بجد.
وأول حاجة ممكن تساعدنا على معرفة إذا كنا ماشيين صح ولا لأ هو درجة استيعابنا للهدف الحقيقي اللي علشانه بقينا "في حالة حب".
وده لأن فيه ناس بتحب الحب نفسه يعني بتكون عايزة تحب لأنها عايزة تحب ومش شايفة طريق تاني للسعادة غير إنها تكون في حالة حب سواء لأنها عايشة في فراغ أو بتكون مفتقدة للحب والاهتمام في حياتها فبتدور عليه في أي مكان وبأي طريقة.
ليه الجواز نهاية الحب..؟؟ Bahebak_03
وده من ناحية شيء كويس إن الإنسان يكون مهتم بالحب لكن من ناحية تانية بيكون شيء مضر جدا لصاحبه لأنه ممكن يفسر أي اهتمام أو أي حاجة سواء منه أو من الطرف التاني على إنها حب وده طبعا أكيد مش في مصلحته لأنه أولا مش هيلاقي الحب اللي بيدور عليه وثانيا هيفقد أي ثقة في وجود الحب نفسه بعد لما يتعرض لأكتر من تجربة وأكتر من فشل لا قدر الله.
لذلك لما نحدد إن هدفنا من الحب "اللي حسينا بيه فعلا" إنه مقدمة منطقية وكمان ضرورية لتكوين أسرة والبحث عن شريك حقيقي للحياة بكل مشاكلها قبل لحظاتها الحلوة ده هيخلينا بشكل ما نهتم بالعلاقة ككل كامل ومش هنحددها في شكل معين ولو ما أخدتش الشكل ده يبقى ما ينفعش.... يعني المفروض نعتبر حصولنا على الحب وسيلة لتحقيق السعادة والتغلب على المشاكل مش نعتبره هدفا في حد ذاته.
واللي يساعدنا على تحقيق الهدف ده هو تكويننا لصورة حقيقية عن الطرف التاني مش الصورة اللي احنا عايزينها وده لأننا في البداية وفي أول درجات الانجذاب بنكون فاكرين إن الطرف التاني من غير أي عيوب وإنه ملاك نازل من السما وإنه ما بيغلطش وكل تصرفاته صح.
ليه الجواز نهاية الحب..؟؟ Bahebak_04
ولكن تدريجيا المفروض إن كل الأوهام دي بتروح ونبدأ نكوّن صورة حقيقية عن الطرف التاني ونبدأ ندرك إنه برضه إنسان وليه مطالب وعانى من مشاكل وبيدّور على حد يشاركه في حلها وإننا المفروض نكون على قد المسئولية وعلى قد ثقته فينا.
فإذا وصلنا للمرحلة دي من التفكير فده مؤشر رائع على إننا فعلا بنحب وهنبدأ نبص لاحتياجات ورغبات الطرف التاني بطريقة أكتر موضوعية ونعتبرها مهمة زي احتياجاتنا ورغباتنا بالضبط، لأ وكمان يكون تحقيق الرغبات بتاعته رغبة قوية لينا وحاجة عايزين نوصل لها، وما نعتبرش إن كل مهمة شريك حياتنا في الحياة هي توفير السعادة لينا وتحقيق كل رغباتنا بطريقة سحرية.
ليه الجواز نهاية الحب..؟؟ Bahebak_01
يعني بمعنى تاني الحب لو كان حقيقي هيتغلب فعلا على أي نزعة نرجسية عندنا ونبدأ نبذل طاقة أكبر لتلبية احتياجات الطرف التاني.
أنا مش ملاك أنا بشر
ماجد: ليه دايما أنا اللي مفروض أقّرب منها وليه أنا اللي أسأل عليها ليه أنا اللي أقدم الأول وهي تستجيب وبس دي مش عيشة.
ولاء: أنا اللي دايما بسأل عليه وهو "ولا هو هنا" دايما عامل مشغول رغم إنه في الأول ماكانش بيفوت فرصة يقرب فيها مني وأول لما حس بحبي ليه خلاص بقيت أنا اللي مفروض أعمل كل حاجة وياريت عاجبه.
وده سؤال طبيعي جدا وناس كتير قوي ممكن تسأله وبصراحة هيكون عندها شوية حق وهو طيب ما احنا فعلا كلنا بشر اشمعنى طرف هو اللي يدي علطول وطرف تاني هو اللي ياخد وبس...؟!
ومبدأيا اللي يسأل السؤال ده يبقى لسه ما حبش بجد هو ممكن يكون عايز يحب لكن مش عارف يحب أو معندهوش القدرة إنه يحب.
ممكن يكون فاكر إن الحب حاجة سهلة مش محتاجة تعب وجهد وصبر وغالبا بيقول لنفسه طيب ما أنا تعبت كتير تعبت وأنا بذاكر وتعبت لما اتخرجت علشان ألاقي شغل وتعبت في الشغل علشان أقدر أثبت نفسي هاتعب كمان علشان البنت اللي بحبها ولا أتعب كمان علشان حبيبي يرضى عني أمال إمتى هاستريح بقى.
وللأسف النظرة دي وانتشارها بتكون سبب رئيسي لفشل علاقات إنسانية كتير مش بس الحب لأن فعلا ماحدش عايز يتعب علشان نفسه حتى ما بال بقى علشان غيره مفيش حد عايز يدي -بما فيهم طبعا كاتبة تلك السطور- كل واحد عايز ياخد بس.
كل واحد شايف بس رغباته وإيه اللي يريحه وإيه اللي ناقصه شايف حقوقه ومش مهتم بواجباته.
وعلشان نعرف إذا كنا حبينا فعلا ولا لأ لازم نبطل نكون أنانيين نبطل نبص بس على رغباتنا واللي احنا عايزينه ونطالب التاني بيه.... نبطل كسل شوية ومانستناش بابا وماما يجيبوا لينا كباية اللبن لحد عندنا ونقوم احنا نعملها بنفسنا وبلاش نقول نعمل لهم معانا، يعني ندور على طريقة نلبي بيها احنا احتياجاتنا من غير انتظار لحد يلبيها لينا.
ولا حب ولا جواز وأعيش بدماغي
رنا: أنا كده مرتاحة على الآخر طول عمري متفوقة وعندي شغلي وعندي أصحابي مش ناقصني حاجة خالص، أتجوز ليه واحد يتحكم فيا ويطّلع عليا عقده ومركبات نقصه صحيح باحن شوية للأطفال لكن ربنا مش هيديني كل حاجة أنا فعلا مش محتاجة أكتر من اللي أنا فيه...!!
محمود: أنا كده عايش حياتي براحتي أدخل أخرج أصرف أتفسح ملك زماني لا واحدة توجع لي دماغي بطلباتها ولا عيال يدوشوني...!!
والنظرة دي بقت موجودة فعلا سواء من الشباب وكمان من البنات.
ده يمكن لصعوبة الحياة وكتر المشكل اللي بنسمعها عن الحب والجواز وكمان تغير العلاقات الأسرية عموما وإن الأبناء مابقوش السند والدعم لوالديهم لما يكبروا بل على العكس بقوا مصدر ألم وشقاء حتى وهم لسه بياخدوا المصروف.
فانتشرت نظرة إن مفيش "حاجة" تشجع على الجواز لا حب ولا راحة ولا أولاد بس مصاريف زيادة وشقا ووجع قلب طيب ما كل واحد يعيش لنفسه أحسن.
والفكرة دي بتكون من ناحية مفيدة لأصحابها وإنهم ما يتسرعوش في البحث عن الحب والوقوع في وهم علاقات مزيفة وإنه يكون معتمد على نفسه، لكن من ناحية تانية فعلا مفيش حد يقدر يعيش لوحده ومهما حقق من نجاح ومن تفوق ومهما كان مش ناقصه حاجة لكن ما يقدرش يستغنى عن حد بيحبه فعلا.
الحب قوة مش ضعف
الخلاصة واللي عايزين نحاول نعمله فعلا إننا نعتبر الحب دافع لينا علشان نعرف جوانب القوة في شخصياتنا ونطور فيها علشان نكون محبوبين أكتر.
يعني نتأكد إن الحب مش معناه إننا نكون ضعفاء صحيح إن سر انجذابنا لحد معين بيكون في الغالب لشعورنا إنه بيكمل جوانب النقص اللي في شخصياتنا وصحيح إن ده في حد ذاته شيء مش سيء لكن مش لازم نستسهل ونحمل الطرف التاني فوق طاقته ونحسسه إنه مسئول مسئولية كاملة عن سعادتنا ونحاول نطور دايما من نفسنا مش علشان نستغنى عن الطرف التاني أو إننا هنقدر نعيش لوحدنا لأ علشان يكون تمسكنا بيه نابع فعلا من حبنا ليه مش من مصلحة هو بيحققها لينا ونكون حاسين إننا محتاجين السعادة اللي بيسببها وجوده جنبنا ونكون سعداء واحنا بندي.
بس المشكلة هنا إننا شئنا أم أبينا لازم طبيعتنا البشرية هتتغلب علينا ولازم في يوم من الأيام هنكون عايزين ناخد ولو حتى مجرد اعتراف بالتضحيات اللي احنا بنعملها.
وعلشان لا نظلم نفسنا ولا نظلم الطرف التاني وعلشان ما يكونش عندنا إحساس زائف بالتضحية ونعتبر إن مجرد "رنة" أو "كلمة" تعتبر تضحية من عندنا وإن الطرف التاني مش مقدر بلاش تكون تضحياتنا من النوع اللي بيؤذينا يعني مثلا بلاش حد يروح يسرق ولا يستلف فوق طاقته علشان يجيب لحبيبته اللي نفسها فيه، وبلاش واحدة تضحي بأسرتها
أو بالناس اللي بتحبهم علشان مش موافقين على حبيبها.
ليه الجواز نهاية الحب..؟؟ Bahebak_02
يعني لما نقدم نقدم اللي نقدر عليه فعلا مش اللي يحملنا فوق طاقتنا ويضرنا وبالتالي برضه هيضر اللي بنحبهم.
بلاش نبالغ قوي في تقدير ذاتنا ونعتبر إن مجرد اهتمامنا بيهم "كفاية عليهم" وبلاش برضه نقلل قوي من قدر نفسنا ونعتبر إننا مهما إدينا فده حق مكتسب ليهم وفرض علينا لإننا لو استحملنا ده شوية مش هنقدر نستحمله علطول خصوصا لو مكنش فيه رد فعل مناسب
ليه الجواز نهاية الحب..؟؟ Bahebak_07
يعني لما نحب مش معناه إننا ضعفاء أو نكون ضعفاء وبرضه مش معنى إننا أقوياء إننا مانحبش وإلا مش هنكون بشر أصلا.

الرجوع الى أعلى الصفحة اذهب الى الأسفل
أسير الحب
المشــرف العــام
أسير الحب


ذكر
عدد الرسائل : 1469
العمر : 35
تاريخ التسجيل : 30/08/2008

ليه الجواز نهاية الحب..؟؟ Empty
مُساهمةموضوع: رد: ليه الجواز نهاية الحب..؟؟   ليه الجواز نهاية الحب..؟؟ Emptyالخميس ديسمبر 04, 2008 1:48 pm


بالله عليكى إيه ده إيه ده إيه الجمال ده والنبى وحياة ربنا حتة موضوع جااااااااااااااااااااااااااامد أووووووووووى وفعلا موضوع أنا هتجنن منه لأن بقيت البنت دلوقتى أول ما بيقرب معاد فرحاها بتبقى شايلة هم إللى هيحصل بعد كده ياترى هيتغير هيفضل زى ما هو والشاب كمان يا ترى هلاقي قمر 14 إللى كنت بشوفه كل يوم هعيش فى نعيم ولا جهنم وأنا عايز أقول إن السبب لا الجواز ولا الحب السبب هو مشاكل الحياة وصعوبتها بس ده فى حالة لو كان الشخصين على فهم كامل لبعض يعنى أناعارف مراتى بتحب إيه ومش بتحب إيه وكذلك جوزى بيحب إيه ومش بيحب إيه وهكذا وأنا شايف إن الحياة قبل الجواز مش زى الحياة خاااااااااالص بعد الجواز لأن بقى فى مسؤليات وحاجات كتيييرة الزوج بقى مسؤل عن أسرة مطلوب منه ميت حاجة من طلبات للبيت لمصاريف أطفاله لمش عارف إيه وهكذا الزوجة هكذا عندها الببيت ومشغولياته الكتيرة منها عايزة ألحق أعمل الأكل علشان جوزى خلاص على وصول وعايزة أقعد أزاكر للعيال وعايزة أغسل مش عارف إيه يكون الزوج وصل ميلحقش يقعد خمس دقايق يتغدا ويدخل ينام لو لحق علشان ينزل لو عنده شغل تانى وكذا الأتنين بقى وياريت نسمع رأيك إنتى كمان يا ميمة فى الموضوع ده
الرجوع الى أعلى الصفحة اذهب الى الأسفل
ملاك الحب
مشــــرفة منتــــدي المــرأة
مشــــرفة منتــــدي المــرأة
ملاك الحب


انثى
عدد الرسائل : 1220
العمر : 32
الموقع : www.sa3ada.3arabiyate.net
تاريخ التسجيل : 29/08/2008

ليه الجواز نهاية الحب..؟؟ Empty
مُساهمةموضوع: رد: ليه الجواز نهاية الحب..؟؟   ليه الجواز نهاية الحب..؟؟ Emptyالإثنين ديسمبر 29, 2008 7:14 am


مرسي على ردك يا ميدو

انا من رايي ان الزواج مش نهاية الحب اطلاقا
هو بس عشان قبل الزواج الاتنين مش بكونو قريبين من بعض عشان كدا كل لما يتقبلو بقولو لبعض كلام حلو ووحشتني وكلام من دا اما لما بيتزوجو بكونو مع بعض اكتر عشان كدا بتقل الكلام الحلو بنهم بس المشاعر بتبقى هي هي
اظن اني دا السبب


ليه الجواز نهاية الحب..؟؟ Sscea-ini
الرجوع الى أعلى الصفحة اذهب الى الأسفل
فارس الحب

فارس الحب


ذكر
عدد الرسائل : 126
العمر : 37
الموقع : ----------------------------------
تاريخ التسجيل : 24/11/2008

ليه الجواز نهاية الحب..؟؟ Empty
مُساهمةموضوع: رد: ليه الجواز نهاية الحب..؟؟   ليه الجواز نهاية الحب..؟؟ Emptyالأربعاء سبتمبر 09, 2009 9:33 am

العيب في الحب ولا الجواز
العيب فينا احنا مش فى الحب ولا فى الجواز تعرفى العيب بجد فين ؟؟؟؟
الرجوع الى أعلى الصفحة اذهب الى الأسفل
فارس الحب

فارس الحب


ذكر
عدد الرسائل : 126
العمر : 37
الموقع : ----------------------------------
تاريخ التسجيل : 24/11/2008

ليه الجواز نهاية الحب..؟؟ Empty
مُساهمةموضوع: رد: ليه الجواز نهاية الحب..؟؟   ليه الجواز نهاية الحب..؟؟ Emptyالأربعاء سبتمبر 09, 2009 9:37 am

ده العيب بجد بعد الزواج الواحد او الوحده قبل الزواج بتبقى شيفه نفسها كويس اوى وبعد الجواز بيروح كل ده وممكن الرجاله كمان بيعملم كده الراجل يحب يروح البيت يلاقى تغير مش كل يوم زى اليوم اللى قبله
الرجوع الى أعلى الصفحة اذهب الى الأسفل
فارس الحب

فارس الحب


ذكر
عدد الرسائل : 126
العمر : 37
الموقع : ----------------------------------
تاريخ التسجيل : 24/11/2008

ليه الجواز نهاية الحب..؟؟ Empty
مُساهمةموضوع: رد: ليه الجواز نهاية الحب..؟؟   ليه الجواز نهاية الحب..؟؟ Emptyالأربعاء سبتمبر 09, 2009 9:42 am

وممكن كمان سبب تانى متيجى نجرج يا حبيبى لا انا عندى شغل وممكن الزوج متيجى نخرج يا حبيبتى لا انا عندى شغل البيت مش فضيالك النهارده خليها وقت تانى هوا ده بجد سبب الفراق بين الطرافين
الرجوع الى أعلى الصفحة اذهب الى الأسفل
أسير الحب
المشــرف العــام
أسير الحب


ذكر
عدد الرسائل : 1469
العمر : 35
تاريخ التسجيل : 30/08/2008

ليه الجواز نهاية الحب..؟؟ Empty
مُساهمةموضوع: رد: ليه الجواز نهاية الحب..؟؟   ليه الجواز نهاية الحب..؟؟ Emptyالأربعاء سبتمبر 09, 2009 3:26 pm

اولا تسلم إيدك يا فارس على ردك بس إسمحلى ياريت تبقى ترد الرد مرة واحدة مش على كذا مرة
الرجوع الى أعلى الصفحة اذهب الى الأسفل
فارس الحب

فارس الحب


ذكر
عدد الرسائل : 126
العمر : 37
الموقع : ----------------------------------
تاريخ التسجيل : 24/11/2008

ليه الجواز نهاية الحب..؟؟ Empty
مُساهمةموضوع: رد: ليه الجواز نهاية الحب..؟؟   ليه الجواز نهاية الحب..؟؟ Emptyالأربعاء سبتمبر 09, 2009 6:51 pm

اوكى بس تعرف الكلام مجاش مرة وحده علشان كده كتبت اكتر من مرة
الرجوع الى أعلى الصفحة اذهب الى الأسفل
أسير الحب
المشــرف العــام
أسير الحب


ذكر
عدد الرسائل : 1469
العمر : 35
تاريخ التسجيل : 30/08/2008

ليه الجواز نهاية الحب..؟؟ Empty
مُساهمةموضوع: رد: ليه الجواز نهاية الحب..؟؟   ليه الجواز نهاية الحب..؟؟ Emptyالخميس سبتمبر 10, 2009 1:27 am

إزاى مجاش مرة واحدة ما إنتا كاتب مواضيع عدد سطورها اكبر من الرد
الرجوع الى أعلى الصفحة اذهب الى الأسفل
 
ليه الجواز نهاية الحب..؟؟
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدي الحب :: منتديات التعارف والحب والرومانسية :: حل مشاكل الحب-
انتقل الى: