الرئيسيةس .و .جبحـثالأعضاءالمجموعاتالتسجيلدخول

شاطر | 
 

 نصائح هامة جدا للأنسات المقبلين على الخطوبة وإللى مش مقبلين يدخلوا ياخدوا خلفية

اذهب الى الأسفل 
كاتب الموضوعرسالة
أسير الحب
المشــرف العــام
avatar

ذكر
عدد الرسائل : 1469
العمر : 29
تاريخ التسجيل : 30/08/2008

مُساهمةموضوع: نصائح هامة جدا للأنسات المقبلين على الخطوبة وإللى مش مقبلين يدخلوا ياخدوا خلفية   الخميس سبتمبر 11, 2008 9:58 am

الى الخطيبة
آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....


1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2
- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3-
الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....



4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..

6-
السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة
بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7-
الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8-
البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..

9-
الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا




_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملاك الحب
مشــــرفة منتــــدي المــرأة
مشــــرفة منتــــدي المــرأة
avatar

انثى
عدد الرسائل : 1220
العمر : 26
الموقع : www.sa3ada.3arabiyate.net
تاريخ التسجيل : 29/08/2008

مُساهمةموضوع: رد: نصائح هامة جدا للأنسات المقبلين على الخطوبة وإللى مش مقبلين يدخلوا ياخدوا خلفية   الأحد سبتمبر 14, 2008 6:03 am

ههههههههههههههههههههههههههههههههههههههههههههههه باين انك وقعت في مشكلة وحصلت لك المواقف دي عشان كدا بتنصح ههههههههههههههههههههههه حرام عليك انا وقعت من الضحك Very Happy Smile Wink Laughing Razz I love you
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحب
المشــرف العــام
avatar

ذكر
عدد الرسائل : 1469
العمر : 29
تاريخ التسجيل : 30/08/2008

مُساهمةموضوع: رد: نصائح هامة جدا للأنسات المقبلين على الخطوبة وإللى مش مقبلين يدخلوا ياخدوا خلفية   الأحد سبتمبر 14, 2008 3:58 pm


والله هو حتى الأن لسة وربنا يسترها معايا بس شفت عينات من كده حقيقى وبجد من ساعة ما شوفتها قلت لازم الموضوع ده كل بنت أعرفها بحياتى ومعرفهاش تشوفها والشباب كمان علشان البنات إللى مش بشوفهم يبقوا هما كمان ينصحوهم بدل ما يتفضحوا لما يقعدوا معاهم

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملاك الحب
مشــــرفة منتــــدي المــرأة
مشــــرفة منتــــدي المــرأة
avatar

انثى
عدد الرسائل : 1220
العمر : 26
الموقع : www.sa3ada.3arabiyate.net
تاريخ التسجيل : 29/08/2008

مُساهمةموضوع: رد: نصائح هامة جدا للأنسات المقبلين على الخطوبة وإللى مش مقبلين يدخلوا ياخدوا خلفية   الأحد سبتمبر 14, 2008 4:11 pm

ههههههههههههههههه ماشي جواب مقنع Embarassed Wink I love you
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصائح هامة جدا للأنسات المقبلين على الخطوبة وإللى مش مقبلين يدخلوا ياخدوا خلفية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الحب :: منتديات المنوعات :: منتدي الضحك و الفرفشة-
انتقل الى: