يعني ايه الحب....!

الحــــــب ......

كلمة سهلة في كتابتها

بسيطة في نطقها

عميقة بمعانيها

قاسية بعواقبها غالبا

جارحة للقلوب دائماً

نبحث عنها في حياتنا فإن وجدناها ندمنا على وقتنا الذي أضعناه في البحث عنه
الحب هو علاقه بين أثنين

قد يكون له مقدمات أو إشارات أو تلميحات

لا ندركها ولا نراها ولا نشعر بها

لكنها تبدأ تستحوذ على القلب

ثم تنتشر إلى أن تسيطر على الكيان بأكمله

فالحب بمجمله غرائز فائضه .. ونبع صافي
فالمحب ينهل من هذا النبع العذب

إلى أن ينبض به قلبه

مش هلاقي اجمل من الكلمات ديه علشان اوصف بيها الحب من وجهة نظرى ,بس ممكن افصله تانى بطريقة تانية ,الحب غريزة انسانية فى كل انسان موجودة .ملناش دخل بيها ,بيها بنحب اهلنا واصحابنا وجيرانا وزمايلنا ووطنا وحياتنا كلها .بيها بنشكل مستقبلنا وشخصيبتنا .بيها بنرسم خطواتنا وطريقنا.
عارف لما تحس ان الدنيا اديتك كل حاجة حلوة امان ,وحنان ,وراحة بال,وحب,وحنية,وحنين,وشوق,وامل وحلم وحياة,عارف لما تحس انك بدات تعيش حياتك بدات تحس باللى حواليك .بدات تشوف نفسك ,ابتديت تعرف نفسك وتحسها .عارف لما تكون ميت وحد يحيك ويديك الفرصة للحياة مرة تانية
عارف لما فى عز ازمتك تلاقي حد واقف جنبك ,فى وقت الشده تلاقيه معاك يخفف عنك يمسح دموعك يشيل عنك همومك .يحس بيك من غير ماتتكلم .يرسمللك خطواتك يهتم بيك .يعيش علشانك وتعيش علشانه.عارف لما تكون فرحان بيفرح معاك بيشوف الفرحة فى عينيك بيحسها فى كلامك وفى نظراتك من غير ماتتكلم.عارفك اكتر من نفسك.
عارف لما تكون عايش ليه ومغرور بيه ومجنون بيه .عارف لما انسان يكمللك تشوف فيه صورتك ,بيتكلم زيك بنفس طريقتك .بيفكر بنفس اسلوبك.بيحلم نفس احلامك.بيمشى بنفس خطواتك .عارف لما تكون تايهه ولاقي طريقك معاه .لما تكون خايف وتلاقى حنان الدنيا فيه والامان كله معاه.عارف لما تكون قلقان وتعبان وتلاقيه جنبك ومعاك بيديعللك وواقف جنبك ويخفف عنك ويتمنى لو كان يقدر يجيبللك الدنيا كلها .يعلمك معنى الكرامة ويحفظهاللك .يحافظ عليك ويحميك .يبقي مامن سرك ويحافظ عليه.
هو ده الحب من وجهة نظرى.
تحياتى
*منايا*

ميرسي ليك على مرورك ياغالى.وبجد مبسوطة اوى انه عجبك خصوصا انك زى ماميدو قال برنس الرومانسية.واه الكلام ده موجود فى الواقع اكيد مش كتير بس موجود ,ان شا الله لما هتلاقيه هتصدق انه موجود.
*منايا*

شكرا ياميدو وحياة ربنا انت كللك زوق بجد.ومبسوطة فعلا ان الكلام عجبك .ولو انت بتقول ان كلامى فيه احساس وانت حسيته يبقي انت اللى انسان عندك زوق وحس عالى .علشان تقدر تحس الكلام ده .ميرسي بجد على مرورك الجميل ده .وديه حاجة تشرفنى بجد.
*منايا*

ههههههههههههههههههههة,فكرة حلوة اوى .انا موافقة .بس بلاش اسامة علشان كدة الناس هتكرهنى.او قوللك شيل اسامة وخلى حاتم .اقوللك فكرة احلى احنا نشيلهم هما الاتنين وتبقي معايا ياميدو ونبقي نستضيف هيثم كل يوم خميس .ايه رايك؟
ميرسي لردك ياملاك بس علفكرة انا اسمى منايا .
تحياتى
*منايا*

يعنى اية كلمة حب



الحب زى كلمة وطن



فيوجد اوطان فيها الانطفاضة



ويوجد فيها الانتماء



ويوجد فيها الحضن الدافئ



ولكن لا يوجدغير الانتفاضة بدون اسلحة



الحب احيانا يتمثل فى سلطة الحكومة



والشعب فالشعب يتحكم فيهم الحكومة



والشعب غارقون فى فقد الامان



والجيوب المفلسة الحب مثل وطن يغرق فية الحروب



من اجل جمع كل ماهو ياخذ بالقوة



الحب مثل الوطن الذى يكون رئيسها بعيد عن الحقيقة المرة



واخر من يعلم



الحب مثل الوطن



الذى مهما تغربنا عنة تمنينا الرجوع الية



ولو بعد حين



ولكن كيف نذهب الى وطن يوجد فية الوحدة والضغوط



الحب سياسة



ويعنى اية سياسة ؟؟



يعنى لازم ناخدها على قد عقلها علشان نعرف نعيش فى البلد ( اقصد فى الحب)



بمعنى لازم تاخدى الحب على كل عيوبة



علشان نتعايش مع واقع الحب الغير وردى الذى يحب وكانة يحلم بخيال خصب



ولكن هيهات من يسمع حبة



ومن يتفهمة وكانة يعيش وحدة فى الرومانسية



والخيال الحب ارض خضراء خصبة اذا رعاها مزارعها



ياتى صاحب الارض بشارى اخر لكى ياخذ خيرها



ولا تعليق من مزاع الارض



الذى تعب فى زرعها بل ينظر بحسرة على تعبة بانين صامت



وكانة ليس حقة الكلام



الحب مثل المواطن الذى يريد حقة



ولكن لا يستطيع ان يصل الية من كثرة متطلبات الحياة



فيفيق من رومانسيتة بارض الواقع



الوطن والحب شئ لا يتجزئوا عن بعض



فاسئل اى شاب وفتاة ماذا يساوى الحب عندك؟؟



يرد كل شئ هو الحياة باكملها هو الامان هو العطاء



هو الهواء الذى اعيش بة



اطلب منة ان يعطى حب يرد كيف اعطى وانا مفلس عاطل لا يتوفر لى عمل



ولا يتوفر لى مسكن



ولا يتوفر لى اى شئ غير قلب ينبض



ويضيع من مشاكل الحياة



ويضيع من متطلبات الحياة فلا يوجد غير قلب فقط يحيا بين ضلوع صاحبة



يتمنى يوما شئ بسيط جدا



وهو حقة فى الحب وحقة فى العيشة مع زوجة او زوج



يعيش معها باقى حياتة



فاصبح الحب رجل عجوز يشيخ قبل فوات الاوان



فيضيع الحب فى غرف الانعاش



مقفولة مغلقة على اصحابها



فهذا الزمن فقدت فية الرومانسية



وسلبت منة حقة بغير حق فهل يتجزء الوطن عن الحب لا الحب هو الوطن بعينة



رحماك ربى بشباب اجيال لا يتمنون غير الحب الرومانسى



الذى كان ايام زمان



فى دنيا لا تحمل تحت طياتها غير الافلاس من المال



والعيلة التى لا تجلس على مائدة



واحدة مثل الزمن الجميل فالجميع يفتقد الوطن,



الحب, العيشة الهادئة



ولا يوجد غير صمت رهيب يعقبة صرخة فى كلمات قلب يتجمد بجمود الحياة



حب لا يخرج على السان قلب فقط يحيا بين ضلوع انسان وهذا اضعف الايماء



واللة انا اسف جدا اكيد انتم دلوقتى عملين تقولة اية الشخص المعقد دة ,بس



دة واقع وحقيقة لا مفر منها بس خلاص ,,, ,,,,,,,,,,محمد عادل ,,,,,